لــبــنــان .. في يـــوم و ســاعــة (!!)

[متفائلة]

:rolleyes: السلام عليكم ،،،

مساء الخيــر :)

بما أن العطلة بدأت .. فكثير من الناس ينوون السفر .. فأحببت أن أحكي رحلتي القصيرة خلال اليومين الماضيين .. حيث غادرت عصر الاربعاء إلى بيـروت و عدت مساء اليوم الخميس !

لحد يسوي جذي :confused:

عمومًا .. رغم قصر مدة السفر و لكن نسيت أمورًا كنت أريدها معي لكن قدر الله و ما شاء فعل !

حقيبة اليد الhand carry يجب ألا تخلو من :
# مصحف
# شاحن للموبايل
# قلم و ورقة
# دليل سياحي ان وجد
# كتيب صغير تشغل به وقتك ان كنت تنتظر مثلا
# آلة حاسبة صغيرة :D لتحويل العملات
# كاميرا

فكرت - مجرد فكرة - أن آخذ معي كمبيوتري المحمول .. و لكن قلت ربما يكون ثقلاً إضافيًا لا داعي له .. خاصة أن مدة السفر 25 ساعة فقط ! و السالفة ما تسوى !

في المطار ..
أبي يسأل .. أين الجهاز ؟! :rolleyes:
قلت : محد قالي لي اييبه :3sr18: و لا جان يبته

انزين .. وين الشاحن ؟! :rolleyes:
قلت : فلانة(أختي) .. وين الشاحن :3sr8:الجواب : مادري !
محد فكر اييبه ! :3sr18:

يبتوا الكاميرا :rolleyes:
لا أمي قالت مو إلا ! و طلعنا مستعيلين :3sr18:

في الطائرة ..
أحسست بالملل .. ساعتين و نظام التسلية معطل ! :cool: لا تعليق !
و الأدهى و الأمر من هذا كله ..
في بداية الامر جلست بجانبي امرأة اجنبية .. ثم قامت قبل أن تقلع الطائرة ليجلس مكانها رجل ! :eek:
أنا : خير خير .. وين ياي هذا ؟! فلانة(أختي الصغيرة) قومي قعدي مكاني و اقعد مكانج .. فجأة تقول مابي اقوم !
قاعدة بمكاني و ماني مرتاحة و لاني قاعدة مثل الاوادم .. شوي و اقوم اقعد بحضن اختي الثانية !
أنا : سمعي .. أول ما تنطفي اشارة ربط الحزام تقومين تنادين ابوي يشوف لي صرفة !!!
وصل الوالد .. شفيج ؟! قلت له يبا شنو هذا ماني عارفة اقعد ..
الوالد : بادلي مع اختج الصغيرة
أنا : مو راضية تقوم !!
الوالد : انزين بادلي مع اختج اللي يمج
انا : ما سوينا شي !!!!!!! هم اهي ما راح ترتاح بقعدتها و كتفها بكتف الريال !!!
الوالد : ماني شايف ان مكانج فيه شي !
أنا : يبااااااااااااه !!!

و رد مكانه .. !!

أنا هني .. خلاااااااااااااااص وصلت حدي .. و قمت أبجي من القهر !! وقتها حسيت صج .. لا إله الا أنت سبحانك إني كنت من الظالمين .. صج تحسفت أني في بداية الامر ما سألت ربي يسخر لي مكان غير اللي انا فيه .. أول شي فكرت فيه إني اقول حق اختي تتنازل عن مكانها (الاسترايجي) يم الدريشة و تيي تقعد مكاني .. لكن لأنها طفلة .. ما فرطت بمكانها .. و ابوي .. الله يسامحه بس !! .. بجيت و أنا أقول حسبي الله و نعم الوكيل ! لين سخر لي ربي فرصة .. أختي قامت من مكانها و قمت قعدت فيه و لما ردت شافتني قاعدة ما قالت شي و قعدت مكاني .. و لما ارتحت .. تنفست الصعداء و قعدت اردد الحمدلله الحمدلله الحمدلله

في بيروت .. عند الهبوط

سبحاااااااااان الله .. على يميني جبل و على يسار بحر !!
ماعمري طبيت بمطار جذي !!

في المطار ..

في انتظار ختم الجوازات .. و إذ بذاك الرجل .. ذو البشت الاسود و الدشداشة البيضاء و العمامة السوداء على رأسه .. و يشبه كثيـــــــرًا (( نصر الله )) إن لم يكن هو بعينه !! ( تعرفونه نصر الله و لا أقولكم من يكون :p ) من شفته تذكرت اخونا النعمان و قعدت اضحك :D النعمان يقولكم من يطلع هذا :)

شوي ولا .. لاااااااااااااااه الحوزة العلمية شكلها كلها ياية !!!

في الطريق الى الفندق.. :3sr1:

تفاجأت بالشوارع و السيارات و الشقق و المباني !!
كأني في مصــر !!

المكان الوحيد الراقي كان بالقرب من المكان الذي قتل فيه الرئيس الراحل رفيق الحريري رحمه الله !!

و ساحة الشهداء أو السوليدير يشبه مكان سبق أن زرته في أوروبا حيث المباني الجديدة و الراقية و المطاعم و المحلات الراقية و هو قريب جدًا من البحر ..

القيادة .. حدث و لا حرج !! مأســــــــاة !!! الاشارة حمرا يمشون عادي ! و الهرنات على طووول تنسمع !!

و الله ديرتنا عز .. الحمدلله على النعمة دائمًا و أبدًا .. و الحمدلله كما ينبغي لجلال وجهه و عظيم سلطانه ..

في الفندق ..

دخلنا الغرفة باسم الله .. شفت السريرين .. تذكرت حلقة من حلقات مسلسل MONK في الMBC2 صارت جريمة بفندق .. فاحتاجوا يستخدمون الاشعة تحت الحمراء للكشف عن بصمات و بقع دم !
و لما استخدموه في غرفة من الغرف .. طلعت بقع في أماكن متفرقة في الغرفة ! بعدها قررت أني ما أسافر الا و معاي الشراشف ملوتي .. و هذا الشي للأسف نسيته و ما تذكرت الا لما شفت السرير !

و هم شفت فيشة و سلك تلفون .. قلت هذا حق الانترنت .. ما يبت جهازي :3sr25:

وقت العشاء ..

طلبنا من سائق التكسي أن نتعشى في مكان مرتفع يطل على بيروت .. فقال أعرف مكانًا يناسبكم .. و بالفعل كان مكانًا رائعًا و عشاءًا لذيذًا و معاملة تعكس الاصالة اللبنانية في الضيافة.. ليس هم فقط .. بل كل من قابلناه كان على اتم الاستعداد لخدمتنا .. و لا تزال ترن بأذني كلمة (( تكرم عينك )) و لم يمر علي شخص لم يقلها !! لكم أن تتصوروا ما هو انطباعي عن الشعب اللبناني ! و أي أثر تركوه في نفسي !

أخيــرًا

الخميس كان ما بين التسوق و المطار .. صحيح كان يوم واحد .. لكن كأني قعدت أسبوع هناك !! سبحان الله أحس السفرة كان فيها بركة :3sr20: و لكن نحتاج لزيارة أخرى لرؤية أماكن أخبرونا عنها و لم نزرها كـ مغارة جعيتا و بيت الدين و غيرها

أكثر ما يضايق ..

كثرة التبرج :3sr29: و الشيــشة :3sr17: ! و أنها شوي غالية

أجمل ما فيها ..

طبيعة و جو و تعامل .. من أحسن ما يمكن :3sr20:
و من المعلومات اللي عرفتها .. أن قبل ماكانوا يعطون المسلمين وقت عشان يصلون الجمعة ! لأن عطلتهم سبت و احد .. الحين صارت المؤسسات و البنوك تغلق وقت الصلاة و تفتح بعده .. خطوة طيبة و لله الحمد ..


طرفة

أمي : اللبنانيين متميزين بشيين .. الاكل و الملابس !
أنا : و هالاثنين أهم شي يهم الكويتيين :p

عذرًا على الاطالة .. لكني متحمسة و الافكار لا تزال ( طازجة ) في رأسي :3sr6:

[أسير الليل]

أهلين متفائله ... صباح الخيرااات :)
والله من الملل أخوك له مده ما يشاااارك .. بس يوم شفت الموضوع تنفس الصعداء :)

طبعا ذكرتيني بلبنان .. أخوك جاها بصيف العام .. ولو خبرتيني كان عطيتك معلوماااااات :)
صراحه بلد جدا رائعه إن كان بالجو أو الأخلاق .. ويمكن لاحظتي سالفة ( كرم الضيافه ) في
المطاعم بعد أي وجبه .. بعضهم قهوه وبعضهم طبق فواكه :)

طبعا وقتكم ضيق .. والا كان رحتوا ( جبل بوحمدون ) الجو رائع .. وقريب منه قصر قديم جدا
وفيه صالون للحريري الله يرحمه يستقبل الضيوف الخاصين ..
وبنفس المنطقه أيضا يوجد ( متحف موسى ) لو ما خانتني الذاكره بالنسبه للإسم
متحف تراااااااااااثي رائع وبمجهود شخصي .. يضم أجنحه خاصه كل جناح لمهنه معينه
وقطع اثريه واسلحه وشغلااات جدا رائعه .. المتحف يتكون من ادوار ..
والذوق فيهم هنا ( أنهم ما يأخذوا من السواق رسم الدخول .. يعنى يتجول بيليليش :)
وبنفس المنطقه بالجبل توجد مغاااره ثلجيه تتجولين فيها وتشوفين الثلج نازل من السقف
باشكاااال جميله ..

اما منطقه السولدير .. انا نزلت اتمشى فيها قبل المغرب .. والا في الليل يقلك ما تنقرب
زحمه وبالذات يوم اجازتهم لووووووووول :)

لكن السيارات عندهم اسعارها مار بحكم غلا البنزين

لحد هنا كفاااايه .. وشكلي راح اكررها :)

عافه الفرق بينهم وبين بعض الدول العربيه
عندهم تحس انك سائح ولك مكانتك وانك جااااااي تتمشى ( ما يعرفون البخشيش ) :)
لكن غيرهم .. لا .. كأنك جاااي تدفع لهم الجزيه :3sr9:

ورحله سعيده

رحله سعيده في الايام الجااايه :)

[متفائلة]

أهلين متفائله ... صباح الخيرااات :)
والله من الملل أخوك له مده ما يشاااارك .. بس يوم شفت الموضوع تنفس الصعداء :)


صباح المسرات أسير جدة غيـر :)
هذي أنا وين قاريتها تنفس الصعداء :rolleyes:
اي هذي لبنان مو حيا الله ;)

طبعا ذكرتيني بلبنان .. أخوك جاها بصيف العام .. ولو خبرتيني كان عطيتك معلوماااااات :)
صراحه بلد جدا رائعه إن كان بالجو أو الأخلاق .. ويمكن لاحظتي سالفة ( كرم الضيافه ) في
المطاعم بعد أي وجبه .. بعضهم قهوه وبعضهم طبق فواكه :)

و الله كنت بحط موضوع اسأل فيه .. لكن صديقاتي ما قصروا عطوني معلومات كافية و وافية

دامك رايح .. فأتوقع أكلت في مطعم ( الصخرة ) في منطقة عاليه بالتحديد في شملان .. مطعم يطل على بيروت .. صراحة معطم :3sr20: المازة و الطبق الرئيسي بكووووم و الفاكهة كووووم ثاني !! تحسها طاااااااااااازجة و لذيـــــذة جدًا .. ياليت وصل الامر بس للطلبات داخل المطعم .. أمي عجبها الزيتون و قعدت تسأل الريال شلون يسوونه و من وين اييبونه .. قال لها من ( الجنينيه ) اللي بالمطعم ! و اذا عجبك بعطيك شوي منه .. و الكرز بعد عجبنا قلنا لنا يحط لنا شوي حق الفندق :D

طبعا وقتكم ضيق .. والا كان رحتوا ( جبل بوحمدون ) الجو رائع .. وقريب منه قصر قديم جدا
وفيه صالون للحريري الله يرحمه يستقبل الضيوف الخاصين ..
وبنفس المنطقه أيضا يوجد ( متحف موسى ) لو ما خانتني الذاكره بالنسبه للإسم
متحف تراااااااااااثي رائع وبمجهود شخصي .. يضم أجنحه خاصه كل جناح لمهنه معينه
وقطع اثريه واسلحه وشغلااات جدا رائعه .. المتحف يتكون من ادوار ..
والذوق فيهم هنا ( أنهم ما يأخذوا من السواق رسم الدخول .. يعنى يتجول بيليليش :)
وبنفس المنطقه بالجبل توجد مغاااره ثلجيه تتجولين فيها وتشوفين الثلج نازل من السقف
باشكاااال جميله ..

السايق ما قصر .. ودانا بحمدون بس ورانا اياها و بعدين ودانا المطعم ..
الحلو بعد ان الجو عجيـــب سبحان الله .. ريحة الاشجار و الخضرة حلوووووووة تحس انك تتنفس هواء نقي
بالنسبة لمتحف موسى .. قالوا لي البنات عن قصته و شلون انبنى و الشخص اللي بانيه لي الحين عايش .. و مغارة جعيتا ما قدرنا نروح لها بسبب الshopping :3sr18:

اما منطقه السولدير .. انا نزلت اتمشى فيها قبل المغرب .. والا في الليل يقلك ما تنقرب
زحمه وبالذات يوم اجازتهم لووووووووول :)


خوش وقت رايح :p
بالنسبة لنا أحلى شي ان احنا رحنا بنص الاسبوع عندهم و آخر الاسبوع عندنا .. فماكو زحمة وايد .. بس الشيشة تلوع الجبد .. بكل مكاااااااان :3sr24:


لكن السيارات عندهم اسعارها مار بحكم غلا البنزين

لحد هنا كفاااايه .. وشكلي راح اكررها :)

الحين عرفت ليش التكسي خذا علينا وايد !!!

اي كررها المكان يستاهل ;)

عافه الفرق بينهم وبين بعض الدول العربيه
عندهم تحس انك سائح ولك مكانتك وانك جااااااي تتمشى ( ما يعرفون البخشيش ) :)
لكن غيرهم .. لا .. كأنك جاااي تدفع لهم الجزيه :3sr9:


بالــضـــبـــط !! الكل وده يخدمك من عيونه من غير مقابل ..

ورحله سعيده

رحله سعيده في الايام الجااايه :)

و رحلة سعيدة لإلك كمان :3sr6:

مغسي كتير عالمشاركة :3sr21:

[أبـو غــادة]

هلا والله متفائلة ,,

حسافه ما جلستي كثير بلبنان ,,

البلد حلوة وتحتاج اسبوع عالاقل ,, والجايات اكثر ان شاء الله

بس انا بصراحه فيه موقف في سفرتي لها ترك انطباع سيء ما اتوقع انساه

كنت في محل حلويات مشهور اسمه ( الحلاب ) ,,

وطلبت كمية كبيره من الحلويات عشان اخذها معي للأهل في السعوديه ,,

وانا قاعد انتظر جاني واحد وقال لي : وش تحب تشرب ؟

قلت : شاي اذا ممكن ,,

وبعد ما شربت الشاي واخذت الطلب ورحت احاسب طلعو مضيفين الشاي على الفاتوره !

الموقف هذا بصراحه ترك عندي انطباع سيء عن كرم لبنان ,,

يمكن انتي ما حسيتي فيه لان الوالد الله يطول بعمره هو اللي يحاسب


مشكوره متفائلة عالموضوع المرتب :)

[بلا حدود]

وعليكم السلام ..

أهلاً و سهلاً بك متفائلة ..
و حياك الله ..

و الحمد لله على السلامة ..

ما شاء الله على الرحلة السريعة .. رايحين توقعون عقد :)
و يعجبني في اللبنانيين بشكل عام بشاشتهم .. انا الظاهر لو أشوفه مكتم أقول يحاول انه يظهر نفسه زعلان ..

لكن اللي راح مصر .. شوف أنواع النهب و السرق و المشاكل ..

مشكورة على الموضوع و مشكورة على الاسلوب

تحياتي

[إلى متى]

خوش رحلة لكن للاسف ما فيه تصوير ثاني مرة خذي الكامرة
اما بالنسبة للكويتيين اهم شيء لازم المطعم نموت على المطاعم

[متفائلة]

أبو غادة

بإذن الواحد الأحد لنا زيارة ثانية .. لذلك قمنا بهالزيارة الخاطفة لنستشف الوضع كوننا أول مرة نروح !! و هالشي محد صدقه !! :D

عاد طلبنا قهوة تركية بس مادري حطوها بالفاتورة و لالا

فعلا ما راح أحس !! :)

يسعدني انه عجبك :)

[متفائلة]

مسئولنا التقني بلا حدود

الله يسلمك من الشر خيو :)

اي رايحين نوقع عقد تملك شقة في بحمدون :D <<< جان زيـــــن !! :rolleyes:

و يعجبني في اللبنانيين بشكل عام بشاشتهم .. انا الظاهر لو أشوفه مكتم أقول يحاول انه يظهر نفسه زعلان ..

لكن اللي راح مصر .. شوف أنواع النهب و السرق و المشاكل ..

فعلا بشوشين و خدومين جدًا ..

كنا في محل نتسوق .. و طبعا كنا نكاسر اللي يبيع .. و في وحدة ياية تتسوق .. فجأة التفتت على الريال و قالت له فلان نزل إلهن السعر .. أول مرة بيجو لعننا .. ما بئلك بس عشانون .. كما عشان تنزل لي

أنا هني قمت اضحك .. الاخت تتوسط لنا عنده عشان ينزل لها بعد :D

بس بادرة حلوة صراحة :)

شكرًا لتشريفك :)

[متفائلة]

إلى متى

حياك الله أخوي :)

فعلا كل ما اشوف منظر أقول اخ لو بس يايبة تلفوني على الاقل !!

يالله الحمدلله على كل حال .. اليايات اكثر ان شاء الله

اذا ما نموت عالمطاعم ما نصير كويتيين :p

شكرًا لمرورك

[متاهه]

وعليكم السلام والرحمة والبركة..

مع اني ماحبيت لبنان كثير.. :rolleyes:
إلا إني استمتعت بقراءة موضوعك :3sr20:
رحلتكم سريعة فرايحية ;)

عارفة يمكن الشي الوحيد اللي حبيته رحلتنا لنبع الصفا..وبس :rolleyes:

وين صوغتي (لغات :D )

[متفائلة]

شو هالنووووور شو هالنوووووور :3sr21:

متاهة عننا :3sr15:

شو ياللي ما عجبك فيها ؟! :rolleyes:

أول مرة بسمع بنبع الصفا ، ما حدا أللي عنووو :cool:

بيسعدني انو الموضوع عجبك :3sr15:

بدك صوغة ؟! اي تكرم عينك :3sr6:

كيلو ملبس من حلويات الحلاب :3sr20:

ما تئولي ما بتحبيه كمان :3sr22:

[المجاهد عمر]

في البداية نحمد الله أن عدت سالمة معافاة... :)

سبحان الله...

أحب أن أزور هذه المناطق ، لبنان على الأخص والشام عمومًا ، أوروبا ، استراليا ، بعض دول شرق آسيا....

وخططت أن أبدأ بالمجموعة الأوروبية (سويسرا ، ألمانيا ، فرنسا.....الخ) ولكنني ترددت خوفًا من الله ، بسبب كثرة المعاصي في تلك البلاد ، ولا يأمن المسلم غضب الله وسخطه....

أفكر حاليًا في السفر إلى "ريف بريطانيا" أو أسبانيا للتمتع بشواطئها ولكنني لا زلت مترددًا بسبب ما ذكرت...

على العموم سوف استخير الله وأرى :)

وإن كان الشوق يحدوني حدوًا إلى مدينة الحبيب عليه الصلاة والسلام....

فهي أشرف من جميع ما ذكرت :)

[أبو غازي]

ماشاء الله تبارك الله ..
.. الحمد لله على السلامة اختي متفائلة .. :3sr20:

أبو غازي يحب الفتوش والكبه :3sr15: ولا ننسى البئلاوه :D

[متفائلة]

المجاهد عمر

و عليكم السلام و رحمة الله و بركاته ،،،

سلمك الله و عافاك من كل مكروه :)

ما ذكرت أماكن جميلة جدًا و مناطق تستحق الزيارة ..

لم ازر الكثير من الدول الاوروبية .. و لكن من أجمل و أروع المناطق التي زرتها في القارة الاوروبية هي الريف النمساوي .. جو ، و طبيعة أعجز عن وصفهما !! و ما يميز الارياف أنها بعيدة عن صخب المدن و العواصم ، فتتمتع بهدوء و راحة تستحق العناء !!

أنا معك في أن الفساد في تلك البلاد عظيم و منتشر في كل مكان .. لكن لا ندري أين الخيرة :)

حفظك المولى في حلك و ترحالك

شكرًا لتعقيبك أخي الكريم

[متفائلة]

أبو غازي

الله يسلمك :)

في حدا ما بيحب الفتوش و الكبة و البئلاوة :D

[إرث أحزان]

متفائلة ... الله يهديكم ..

والله لو انكم ملحوقين ...

كان جلستوا لكم ... يومين او ثلاثة زيادة ..


بس أكيد المخرج كان عاوز كدا ؟؟ :) :)


أجمل تحية .

[متفائلة]

بالضبط المخرج عاوز كده :3sr20:

بس بيني و بينك .. استانس بالرحلات القصيرة اللي جذي اكثر من الطويلة مادري ليش :3sr18:

في قاعدة تقول it's now or never !! و هذي دااايمًا تصير في الرحلات اللي بيوم و يوم و نص :3sr6: