زمردة
31-07-2005, 02:51 AM
http://www.alriyadh.com/2005/05/27/img/275300.jpg
راضي علي المطرفي - الخرج
حمام ياللي من عناء النوح ولهان
يشكي على عهد مضى بين الأحباب
مستآمن معشش على سراج عربان
غاب العرب وسراجهم عنه ما غاب
سراج قديم وهالك الحال خربان
ياما على وقت الدجا يجمع أصحاب
علي غنام الغنام - رياض الخبراء
هملوني واتركوني بلا رعية
وعلقوني في طرف خيمة عمودي
في ديار ما بها غير المطيه
المواتر ما لها حس ووجودي
وسكنتني من الحمام الراعبيه
وأشغلتني بالقيام وبالقعودي
عبدالعزيز محمد ابورشيد - نعام
ياذي الحمامه مخطيه يوم تبنين
بيتك في قلب سراج وبجنب خيمه
باكر يبي يجيك الخطر وبتشوفين
لا جاك جارك وقال هذي غنيمه
نصيحتي وانتي على ما تريدين
والصيد عند الناس ما هو جريمه
خالد بن ناصر المخيمر - روضة سدير
شفت الحمامه والسراج بخزاما
والخيمة اللي ما دخل وسطها دش
هذا السراج اللي يزيل الظلاما
تسري عليه الناس ما هي بتبلش
ويوم انكسر ما صلحوه النشاما
جته الحمامه ثم حطت به العش
ابراهيم بن حسين الطفيل - حائل
أظنها خيمة كواشيت عزاب
راحوا وخلوها غشامه غشامه
على السراج اللي معلق بالاطناب
بنت عليه العش ذيك الحمامه
جات الحمامه تحسبه راس مرقاب
يمكن من الصياد تبغى السلامه
شبيب بن حمود بن جلهم القحطاني - محافظة المزاحمية
طيري عن المكان لا قرب الليل
قبل المعزب ما يولع سراجه
بعض المزاج يدهورك بالبهاذيل
يبي يعدل في مزاجك مزاجه
لا يغرك كانه سكت عنك وحليل
يمكن يجي زعلان وقاضاً علاجه
عبيد فنيس الوهبي- النعيرية
تهني يا حمامة وافرحي في خيمة العربان
بدار ما بهاحس ولا رس ومهجوره
على عشك تهني والحذر من هجمة الغربان
على رمز السلام الخوف من هجمات مخطورة
ترى لك موقع بقلوبنا والقلب بك حيران
حمامتنا حماها الله عساها دوم مسرورة
م. عادل بن سليمان الجمحان - بريدة
يا طير ياللي ساكن وسط مصباح
في خيمة يم افياض البعيدة
قاعد على بيضه بلا حس وصياح
يجلس بعشه خايف من مكيده
مكيدة اللي لا أظلم الليل نبّاح
يسطي عليه ويدمر العش بيده
عبدالكريم بن ابراهيم الخزيم - البكيرية
والى حمامه كيف صنعتي الافكار
وشلون سكنتي وسط الفوانيس
موقعك شين وتكثر به الاخطار
يا كيف راحت عنك كل الهواجيس
وينك عن الريضان وبعالي الاشجار
عن الخطر فوق ودونك متاريس
- منقول من صفحة جريدة الرياض -
راضي علي المطرفي - الخرج
حمام ياللي من عناء النوح ولهان
يشكي على عهد مضى بين الأحباب
مستآمن معشش على سراج عربان
غاب العرب وسراجهم عنه ما غاب
سراج قديم وهالك الحال خربان
ياما على وقت الدجا يجمع أصحاب
علي غنام الغنام - رياض الخبراء
هملوني واتركوني بلا رعية
وعلقوني في طرف خيمة عمودي
في ديار ما بها غير المطيه
المواتر ما لها حس ووجودي
وسكنتني من الحمام الراعبيه
وأشغلتني بالقيام وبالقعودي
عبدالعزيز محمد ابورشيد - نعام
ياذي الحمامه مخطيه يوم تبنين
بيتك في قلب سراج وبجنب خيمه
باكر يبي يجيك الخطر وبتشوفين
لا جاك جارك وقال هذي غنيمه
نصيحتي وانتي على ما تريدين
والصيد عند الناس ما هو جريمه
خالد بن ناصر المخيمر - روضة سدير
شفت الحمامه والسراج بخزاما
والخيمة اللي ما دخل وسطها دش
هذا السراج اللي يزيل الظلاما
تسري عليه الناس ما هي بتبلش
ويوم انكسر ما صلحوه النشاما
جته الحمامه ثم حطت به العش
ابراهيم بن حسين الطفيل - حائل
أظنها خيمة كواشيت عزاب
راحوا وخلوها غشامه غشامه
على السراج اللي معلق بالاطناب
بنت عليه العش ذيك الحمامه
جات الحمامه تحسبه راس مرقاب
يمكن من الصياد تبغى السلامه
شبيب بن حمود بن جلهم القحطاني - محافظة المزاحمية
طيري عن المكان لا قرب الليل
قبل المعزب ما يولع سراجه
بعض المزاج يدهورك بالبهاذيل
يبي يعدل في مزاجك مزاجه
لا يغرك كانه سكت عنك وحليل
يمكن يجي زعلان وقاضاً علاجه
عبيد فنيس الوهبي- النعيرية
تهني يا حمامة وافرحي في خيمة العربان
بدار ما بهاحس ولا رس ومهجوره
على عشك تهني والحذر من هجمة الغربان
على رمز السلام الخوف من هجمات مخطورة
ترى لك موقع بقلوبنا والقلب بك حيران
حمامتنا حماها الله عساها دوم مسرورة
م. عادل بن سليمان الجمحان - بريدة
يا طير ياللي ساكن وسط مصباح
في خيمة يم افياض البعيدة
قاعد على بيضه بلا حس وصياح
يجلس بعشه خايف من مكيده
مكيدة اللي لا أظلم الليل نبّاح
يسطي عليه ويدمر العش بيده
عبدالكريم بن ابراهيم الخزيم - البكيرية
والى حمامه كيف صنعتي الافكار
وشلون سكنتي وسط الفوانيس
موقعك شين وتكثر به الاخطار
يا كيف راحت عنك كل الهواجيس
وينك عن الريضان وبعالي الاشجار
عن الخطر فوق ودونك متاريس
- منقول من صفحة جريدة الرياض -