ركن السامريات القديمة ( لمحبي الثرات )

[المساهم المحترف]

السلام عليكم ورحمة الله وبركاته

هذه الصفحة ستكون بمثابة مكان التجمع للقصائد السامريه القديمة

فقد اوشكنا ان ننسى هذه القصائد

اتمنى لكم اطيب الوقات

[المساهم المحترف]

ياعلى قصيدة لمدرسة الشعر الشاعر بن لعبون
يا علي صحت بالصوت الرفيع *** يـا مـرة لا تذبيـن القنـاع
يا علي عندكم صفرا صنيـع *** سنها ياعلـى وقـم الربـاع
نشتري ياعلى كأنـك تبيـع *** بالعمر ميـر ماظنـي تبـاع
شاقني ياعلي قمـرا وربيـع *** يوم أنا آمر و كل امري مطاع
يوم أهلنا وأهل مـي جميـع *** نازلين علـى جـال الرفـاع
ضحكتى بينهم وأنـا رضيـع *** ما سوت بكيتي يوم الـوداع
هم بروني وأنا عودي رفيـع *** ياعلي مثل ما يبـرا اليـراع
طوعوني وأنا ما كنت اطيـع *** وغلبوني وأنا ظفـر شجـاع
وجد عيني على ظبـي تليـع *** عندكم كن فى خـده شمـاع
شيبتني وأنـا تـوّي رضيـع *** جاهل توّ في سـن الرضـاع
سايمين الهوى يا من يبيـع *** سايمين الهو لاهـل الرفـاع
وانت يا لايمي جعلك تضيـع *** ما تماري بها مثـل الشعـاع
ودي اسلاه والكـون الفنيـع *** سلوتي ياعلي مـا تستطـاع
دون مي الظبي وام الوضيـع *** والثعالب وتر بيـع الشـراع
ورأس ريع دخل فى بطن ريع *** مستطيـل ووديـان وسـاع

[المساهم المحترف]

أستمع الآن (http://members.lycos.co.uk/m36iha/ss.RA)

[المساهم المحترف]

يالله انا طالبك حمر(ن) هوى بالي ..

--------------------------------------------------------------------------------

هذي "قصة" وقصيده بنفس الوقت .. وانا اتوقع ان اغلب المهتمين بالتراث
قد سمعوا فيها لانها مشهورة .. بس انا ولله من شدة اعجابي بالقصيده حبيت اكتبها لكم
من جديد .. اللي ماسمعوا فيها ..

"ابن ريفه" .. هذا رجال(ن) يقولون انه كان ساكن(ن) مع جماعته
وفي يوم(ن) من الايام صارت له مشكله مع بعض جماعته .. المهم
انه مشى وتركهم وسكن عند قبيلة(ن) ثانيه .. المراد انه بعد مرور
كم سنه .. صارت له مشكله مع بعض افراد هالقبيله .. اييييييييه ..!!
( القصّه طويله .. بس حنّا ماعلينا منها ) ..

الشّاهد انه تذكّر اهله .. واللي جرى له .. وهاضت قريحة الشاعر
وقال قصيدته المشهوره وهو فوق ذاك الجبل .. يقول فيها :-






الا قال ابن ريفه عدى مرقـب(ن) عالـي
مرقب(ن) عالي تومـي بـه هبايبهـا ..

هيضني الرّجـم ونـا عقبهـم سالـي ..
وذكرنـي باوطـان(ن) شطّيـت ابهـا ..

يالله انا طالبك حمـر(ن) هـوى بالـي ..
لاروح الجيـش طفـاّح(ن) جنايبـهـا ..

وان برّك الجيش حديّه اشهـب اللاّلـي ..
ماهيب تورّد وسيع(ن) صـدر راكبهـا ..

اللّي علـي كورهـا واللـي بالحبالـي ..
واللي علي المردفـه واللـي بغاربهـا ..

لاروحت مع تخاتيـخ الخـلا الخالـي ..
كـن الذيابـه تنهّـش مـن جنايبهـا ...

مع بندق(ن) رميها ماض(ن) لها افعالي ..
امخضّب(ن) عذبها من ضرب شاربهـا ..

حديدهـا واذكـر الله كنـه اريـالـي ...
كن الحيايـا تلـوّى فـي مقاضبهـا ...

الـي لفونـا مـن المقنـاص زعّالـي ..
احد(ن) مدح بندقه واحد(ن) يعذربهـا ..

بشرتهم بالعشـا مـن عقـب مقيالـي ..
القايده مـع مـرد الكـوع ضاربهـا ...

الله يرحمـك ياعـود(ن) شراهـا لـي ..
من واحد(ن) جابهـا للسـوق جالبهـا ..

ويالله انا طالبك حمرا(ن) هـوى بالـي ..
لاروّح الجيـش طفـاّح(ن) جنايبهـا ....