المساعد الشخصي الرقمي

مشاهدة النسخة كاملة : ذكريااااااااااات .. وتجربة موضوع

أسير الليل
27-03-2005, 03:24 AM
أقول السلام عليكم

ومساء الخيراااااااااات .. أخباركم إن شاء الله منيح

المهم لا أطول عليكم .. هذا أنا أجرب وبكتب موضوع بسيط أكيد راح يرسم إبتسامه وتقولوا أسير خرف وراااااااااح فيها :)

لما كنا صغاااااااااااااار ودقه .. وكانت حالتنا طينه

وإحنا نلعب في الأزقه ... ولا أحد يسأل علينا

هذاك قرصتو بقه .... وعماااااااااال تهرش له أمينه

وداك في ثوبه بقعه زرقه .... واصله لحد الفنيله :)

ها ..... عطوني رايكم أكمل .. مسلسل الذكرياااااااات :) لان السالفه راح تطول
أبو غازي
27-03-2005, 06:53 AM
هلا خال ..

هلا بالكل ..

صباح الخير للجميـــع ...

اصبحنا واصبح الملك لله .. موفقين في مشروعكم ..

<--- نشاط وحيوية على الصبح .. :D
البراء
27-03-2005, 07:19 AM
حياك الله ابو غازي والله والتميتوا انت وخالك واحد يرفع والثاني يكبس :)
غريب نجد
27-03-2005, 08:41 AM
السلام عليكم ورحمة الله وبركاته


يا اخي من زمان ما قري مثل هالكلام .... يا سلالالالالالالالالالالالام حاجة تفرح القلب انك تقرا مواضبع تلامس واقع العالم العربي ..

بانتظار جديدك ولا تكملت الموضوع
المجاهد عمر
27-03-2005, 09:41 AM
أسير الليل الله يوفق مخك :D

طالع لنا من الصباح وتقول لنا أمينه وفنيله...

وأبو غازي جالس يهلي والمهلي ما يولي...

والبراء مضيع العنوان ، مفكر حاله في مباراة كرة طائرة...

وغريب نجد مسوي نفسه هو الفاهم فينا... :D

يالله قدامي ادخلوا الصف... :D


المجاهد عمر
مدرس رابع إبتدائي :D
أسير الليل
28-03-2005, 02:53 AM
أهلين وسهلين بالكل والجميع :)

حبيب قلبي مال أنا ابو غازي وينك مختفي يارجل .. أقولك اليوم تعشيتوا البيك ;) يا مال الفنيمه

حيالله عميد أسرة سوالف والعصر .. شفت كيف ابو غااازي ولد سنايفي ومتكتك يفزع لخاله :)

وكمان حياك أيه الغريب النجدي على بالك جاااي تتطريق :mad: لكن خير مصيرك تجي لجده :)

وكمان حيالله مدرس محو الأميه :) المجاهد عمر
ياخي خلينا ننفس عن حالنا شوي .. يا حبك للمهاوش :) طبعا انت المدرس وتابع بقية الذكريات
في الاذاعه المدرسيه :) قصدي الرد التالي

يالله أستعدوا
سمع شباب
وعيشوا مع الذكريااااااااااااااااااااات :)
النابغة الطائي
28-03-2005, 02:54 AM
المجاهد .. وراك مطنش طلابك ..


المدير .. معاكم .. :mad:
أسير الليل
28-03-2005, 03:55 AM
ومن هنا نبدء إذاعتنا المدرسيه

من أزقة حارتنا القديمه اللي ما رسنا فيها طفولتنا البريئه أنثر بين أيديكم الأحداث الدراميه :)

نسمه حلوه جات في بالي .. يا زقاق بيتنا القديم
نعنشت بستان خيالي .. بريحة النبق والنيم

لما كنا صغااااااااااار ودقه .. وكانت حالتنا طينه
وإحنا نلعب في الأزقه .. ولا أحد يسأل علينا :)

هذاك قرصتوا بقه .. وعمااااااااااال تهرش له أمينه
وهذا في جيبه بقعه زرقه ..... وااااصله لحد الفنيله :D
وهذا ماسك أم طقه ... يسألها نروح المدينه :confused:


وهذا ماشي في توبه قلقه ... كأنه جالس في كينا
وهذا يلحس حمر في ورقه ... والبحر خلااااه طحينه
ودا يلغ في مرقه ... وفمه شغاااااااااال زي المكينه

ودا شيل على راسه شقه ... يخبزها لخاله حسينه
ودا متشعبط في سقا ... يسأله متى راح تجينا :confused:

وعياااااااااال عمال تجعر ... يا مطرنا حطي علينا

وحرمه من الروشان تبربر .. أنكتم عساك القرينه :mad:

ودول في لعبة أوادم
ودول في أستوت المقادم
ودا شبر ماد البرااااطم .. ومسوي شوطه وأزعرينا
[ ودول في كبيش الأعمى ... ودا يجري ورا الكلاب
ودا في البيزان يستحما ... عشان ما تشوف أمه الهباب
ودا يبغى يقلبها ظلمه ... يحرش مين يكش التراب

ودا مسوي صياح ورجه
ودا كب دقيق حجه ;)
وهذا بيسب في كنجا .. مع أنه زي الغراب

وهذا يلعب برجون
وهذا جاب بالكوره قوااااااااااااان
وهذا خوف من العيون .. لبسوه أهله حجاب

ودول في طير طااار
ودول ينطوا فوق أشبااااار
ودا راكب فوق جريده .. قال مسويها حصان :D

ودا .. يطقطق .. عقر
ودا بيأكل .. لنقطه
ودا بيلغ في .. شرش والحكايه ملخبطه
ودا من قوة بطر .. يبغى يأكل لغمطه :mad:

وشيبه صوته أنشقر .. سيب يا واد الشعبطه :mad:

كنت تشوف الحكاوي .. واللي مشيول سقااااوي
يأكل كل يوم (علقه عشان يطلع شقاوي :)

أشتقت يازقاقنا لجارك .. لكل من دعسك وزارك
أشتقت لي لوزك الهندي أتشعبط له أشجارك ;)

وهذه نسمه خفيفه .. من حياه حلوه ولطيفه
صوره من الماضي الجميل في زقاق بيتنا القديم :)

وعاد دحين بتفصلوني .. تنذروني .. بكيفكم .. :)
وللمعلوميه لسه للإذاعه المدرسيه بقيه مع مسلسل الذكريااااااات :)
أبو غازي
28-03-2005, 03:02 PM
أترجم ياجماعة :D
المجاهد عمر
28-03-2005, 03:20 PM
والله إنك خطير يا بوغازي...

اليوم الصباح وأنا أقرا الموضوع أقول في نفسي..."الله يهديك يا أسير ، يبغى لك مترجم" ! :D

ترجم يا سيدي ترجم :)



المجاهد عمر
أبو غازي
28-03-2005, 03:25 PM
مصمم ؟!!

<--- تورط :D

أبشر ولا يهــمــك .. :rolleyes:

في الليل ان شاء الله ..

توني كابس من النعمة ولله الحمد .. ;)
نبضات رؤى
30-03-2005, 12:27 PM
بسم الله الرحمن الرحيم

الأخ الفاضل : أسير الليل

موضوعك يجعل الأذهان تستدعي ذكريات و مواقف كثيرة تمر بها ، فهناك مواقف نرجو لو تتكرر ، و مواقف نرجو لو لم نقم بها ، و مواقف نرجو لو يعود الزمان و نصحح ما فعلناه بها .

أختك : نبضات رؤى
النابغة الطائي
31-03-2005, 02:25 AM
والله ياجماااعة .. مش فاهمش حاجة ..

كله بقه في طقه ..
وسقا راح لجده ..
وهلم جرا .. :)
أبو غازي
31-03-2005, 03:43 PM
السلام عليكم ورحمة الله تعالى وبركاتة ..

بسم الله نبدا بالترجمــة .. :rolleyes:

( 1 )

نسمه حلوه جات في بالي .. يا زقاق بيتنا القديم
نعنشت بستان خيالي .. بريحة النبق والنيم

" يازقاق " .. الزقاق هو الممر الضيق وسط الحارة ..
" نعنشت " .. يعني أبسطتني .. أو أسعدتني .. أو روقتني .. زي الشاهي المنعنـش :D
" النبق " .. الحلوي .. أكيدعارفين الحلوي :p
" النيم " .. إسم شجرة ( شجرة كبيرة ) لها حبوب صــغـــار ..

( 2 )
لما كنا صغااااااااااار ودقه .. وكانت حالتنا طينه
وإحنا نلعب في الأزقه .. ولا أحد يسأل علينا

هذاك قرصتوا بقه .. وعمااااااااااال تهرش له أمينه
وهذا في جيبه بقعه زرقه ..... وااااصله لحد الفنيله
وهذا ماسك أم طقه ... يسألها نروح المدينه

" دقــه " .. يعني في منتهى الصــغــر .. بزوره يعني .. ( ورعان ) بالنــجــدي :D
" حالتنا طينه " .. يعني فقر ..
" الأزقة " .. تمت ترجمتها في المقطع الأول .. والأزقة جمع زقــاق .. :cool:
" ولا أحد يسأل علينا " .. يعني محد يدور ورانا ..

" بــقــه " .. هذه دودة صغيرة الحجم .. تسبب الحكه عند القــرص ..
" تهرش له أمينة " .. تهرش يعني تحك له بسبب قرصة الدودة .. وأمينة هذه ممكن تكون أخته .. المهم إسم بنت .. :o
" بقعه زرقة " .. زي الحبر لما يقع على الثوب .. يسبب بقعة زرقــاء ( لونها أزرق )
" ماسك أم طقه " .. والله مدري مين أم طقه هذه :confused: .. بس يمكن حرمة كبيرة .. :rolleyes:

( 3 )
وهذا ماشي في توبه قلقه ... كأنه جالس في كينا
وهذا يلحس حمر في ورقه ... والبحر خلااااه طحينه
ودا يلغ في مرقه ... وفمه شغاااااااااال زي المكينه

" توبه قلقه " .. يعني الــثــوب .. أم قلقه بصراحة ما أعرف :confused:
" كأنه جالس في كينا " .. كمان ما اعرف .. ممكن كينا إسم شجرة .. يمكن :(
" يلحس حـمـر في ورقة " .. يعني ياكل ( الـحُــمّــر ) .. طبعا عارفين الحمر .. الي يجي مع الصيادية :D
" البحر خلاه طحينة " .. يعني وسخ ملابسه بالحُمــر .. ولابد من الذهاب للمغسلة :p
" ودا يلغ في مرقه " .. دا = هذا .. يلغ = يعني ياكل أو يشرب ( بالعافية ) .. المرقــه = الشربــه ..
" وفمه شغال زي المكينة " .. يعني ياكل بإخــلاص .. :)
أبو غازي
31-03-2005, 03:49 PM
( 4 )
ودا شايل على راسه شقه ... يخبزها لخاله حسينه
ودا متشعبط في سقا ... يسأله متى راح تجينا

وعياااااااااال عمال تجعر ... يا مطرنا حطي علينا

وحرمه من الروشان تبربر .. أنكتم عساك القرينه

" ودا شايل على راسه شقه " .. دا = هذا .. شايل = حامل .. والشقة هي الطاولة التي يوضع بها الخبز ( العــيــش )
" لخالة حسينة " .. خالته حسينة .. :D
" متشعبط في سقا " .. يعني متعلق في بياع الماء ( السقا ) .. عطشان الواد :D
ماسمعتوا المثل الي يقول لا تبيع المويه في حارة السقايين <-- خارج النــص ..

" عيال عما تجعر " .. يعني تصرخ .. أو تصيح ..
" يامطرنا " .. المطــر .. معروف طبعا .. :p
" وحرمه من الروشان تبربر " .. يعني إمرأة من الشباك ( النافذة ) تهرج .. أو تزعق .. أو تصارخ ..
" أنكتم " .. يعني اسكــت .. أو اخررررررررررررررررس :mad:
" عساك القرينة " .. أعتقد انها دعوة مش كويسه ..

( 5 )
ودول في لعبة أوادم
ودول في أستوت المقادم
ودا شبر ماد البرااااطم .. ومسوي شوطه وأزعرينا
ودول في كبيش الأعمى ... ودا يجري ورا الكلاب
ودا في البيزان يستحما ... عشان ما تشوف أمه الهباب
ودا يبغى يقلبها ظلمه ... يحرش مين يكش التراب


" دول في لعبة أوادم " .. يعني هذول .. أو هؤلاء ... وأوادم إسم لعبة أعتقد ..
" استوت المقادم " .. يعني في دكان المقادم .. والمقادم هي شوربة أو مرقة ( رجول الغنم ) ..
" شبر ماد البراطم " .. يعني زعلان مرررررررة .. :D
" مسوي شوطة وأزعرينا " .. يعني زعلان مررة ( زي الي فوق ) .. ومصنقر ( غضبان جدا ) ..
" كبيش الأعمى " .. يمكن إسم مكان .. :confused:
" يجري ورا الكلاب " .. يعني يلعب معاهم .. :rolleyes:
" في البيزان يستحما " .. البيزان هو مكان صرف الموية ... ويستحما يعني يتروش ( ياخذ دش ) .. :p
" الهباب " .. الوساخة او القذارة .. الي عملها الشقــي ( الواد ) :D
" يبغى يقلبها ظلمه " .. يعني يبغى يضارب .. راعي مشاكل الأخ :cool:
" يحرش مين يكش التراب " .. يعني مين الي يبدأ برمي التراب على شان تبدا المعركة :D
المجاهد عمر
31-03-2005, 04:01 PM
السلام عليكم...

ايش بك يا بويا على هادي الترجمة...

كل شوية تقول لنا ما أعرف معناها...والله ماني متأكد...معناها يمكن كدا وكدا...

يا واد سيبك من الهرج الفاضي...وترجم زي الناس...

وإلا والله أرسلك لحي الكرنتينا تاخد لك درسين في الترجمة :D




المجاهد عمر
أبو غازي
31-03-2005, 04:06 PM
( 6 )

ودا مسوي صياح ورجه
ودا كب دقيق حجه
وهذا بيسب في كنجا .. مع أنه زي الغراب

وهذا يلعب برجون
وهذا جاب بالكوره قوااااااااااااان
وهذا خوف من العيون .. لبسوه أهله حجاب

" دا مسوي صياح ورجه " .. دا = هذا .. صياح ورجه .. يعني غلبه وإزعاج ..
" كب دقيق حجه " .. كب = رماه على الأرض .. دقيق حجه .. يمكن وحده إسمها حجة .. والدقيق معروف طبعا ..
" بيسب في كنجا " .. يعني بيسوي فيها شخصية ..
" مع إنه زي الغراب " .. يعني مو حلو .. :eek: .. او ماعندك أحــد ..
" يلعب برجون " .. يعني اللب ..أو البنانير .. الي كنا نلعبها في رمضـــان .. :D
" بالكورة قواااااان " .. يعني جاب أهداااااااااااااااف .. لعيب الواد ;)
" لبسوه أهله الحجاب " .. خايفين من العين .. يستاهل المليــح ..

( 7 )
ودول في طير طااار
ودول ينطوا فوق أشبااااار
ودا راكب فوق جريده .. قال مسويها حصان

" دول " .. هؤلاء .. ترجمتها قبل صح .. :confused:
" طير طار " .. لعبة شعبية على ما أعتقد ..
" ينطوا فوق أشبار " .. ايضا لعبة .. وهي عبارة عن خطوط ومربعات ترسم على الأرض ويتم النقز فوقها .. والنقز هو النط .. :D
" فوق جريدة " .. الي هي جريدة النخل .. عصاية النخلة
أبو غازي
31-03-2005, 04:08 PM
المجاهد عمر .. ترى ما أكمل ..

<-- تهديد صريح ..
أبو غازي
31-03-2005, 04:20 PM
( 8 )
ودا .. يطقطق .. عقر
ودا بيأكل .. لنقطه
ودا بيلغ في .. شرش والحكايه ملخبطه
ودا من قوة بطر .. يبغى يأكل لغمطه

والله أنا جاتني لخبطه من هذا المقطع ..
ولا كلمة فهمـــــــت :D
ههههههههههههههههههه ..

( 9 )
وشيبه صوته أنشقر .. سيب يا واد الشعبطه

كنت تشوف الحكاوي .. واللي مشيول سقااااوي
يأكل كل يوم (علقه عشان يطلع شقاوي

" شيبه صوته انشقر " .. شيبه هو الرجل الكبير .. وصوته انشقر .. يعني إنبح صوته .. زي ما صوتي إنبح مع المجاهد عمــر ;)
" الشعبطه " .. يعني التسلق ..
" الحكاوي " .. يعني السوالف .. <-- ايــام ... ومـــــن هــُــنــــــــــاك .. ( عزيز يفهمها ) :rolleyes:

الي فـــضــل بعد الــصـــــلاة ....
أبو غازي
31-03-2005, 04:52 PM
( 10 )
أشتقت يازقاقنا لجارك .. لكل من دعسك وزارك
أشتقت لي لوزك الهندي أتشعبط له أشجارك

وهذه نسمه خفيفه .. من حياه حلوه ولطيفه
صوره من الماضي الجميل في زقاق بيتنا القديم

" لوزك الهندي " ... اللوز .. معروف عــاد ... المجاهد عمر حالة إستثنائية عاد :D
" اتشعبط " .. يعني اتسلق اشجارك ..



وبهذا المقطع يكون قد إنتهى فصل وحصة الترجمة أحبائي الطلاب
ونلتقي في درس آخر ... مع موضوع آخر .. وفي وقت آخر ..





وكلكــم راسبيــــن تـــرى .. :D
النعمان
01-04-2005, 02:12 AM
وش السالفة ...

ممكن احد يترجم لي قصيدة الاصمعي ( قصدي اسير الليل ) ..

يابويا هذا منتدى محترم مو مزام :)

تحياتي لاسير وابو غازي ولكل الحبايب ..

الله يوفق مخكم :)
أسير الليل
03-04-2005, 02:25 AM
حياك أختي نبضات

أيام لن تنسى .. برغم أحداثها وتنوعها الايجابيه والسلبيه .. وتظل ترسم إبتسامه

بعضها تستدعي وقفتنا .. تجاه تصرفات معينه كانت مصدر إزعاج للأخرين

ولكن في مجملها ترسم إبتسامه لتلك الذكريات

وكما تفضلتي خاصة للتصرفات السلبيه نحاول تداركها بعدم الوقوع في تلك الأخطاء

كل الشكر والتقدير لتشريفك ومداخلتك
أسير الليل
03-04-2005, 02:49 AM
ابو غازي
أقول .. قول آمين
الله يوفق مخك بس
وتعبت ( ستيته ) من ساعه وهات يا ترجمه .. وتطلع نصها عداااااا من هنااا :D
بيني وبينك طلعت ولد قدع :)
بس ضحكتنى في تفسيرك لكلمة ( أم طقه ) ههههههههههههههههه قال حرمه كبيره يا عمي روووح

أم طقه
هذه دوده بحجم ( الصرصور ) الله يكرمكم .. ولونها أسود .. وغير مؤذيه
وكانت لها حركه معروفه تهز رأسه ويطلع صوت طقه سبحان الله
وهنا من باب التخريف والواحد طفشان .. يقعد يكلمها وهي لا أراديا ترفع رسها ويطلع الصوت ( طق ) :)
والمسكين على باله تجاريه في الحديث :p ويجي واحد ويسألها متى نروح المدينه :) على باله شركه طيران :D

أما أنت يالمجاهد عمر
ما يسير خف على خالي ما غير تهاوش فيه في كل رد والله الرجال عمل مجهود جبار :)
بعدين تعااال وش سالفة الكرنتينا ذبحتنا فيها من أيام سوووووو :) أموت وأعرف أين تقع ;)

ونجي للسيد النعمان
ياخي حنا وش قلنا الدعوه كلها طقه وبقه .. عاااااشت الأحياء الراقيه :)
وأش جاب طااااري المز... ;)

ونختم المقال بأخونا الثاني خالد الحامد
شوف ترااااني فاااضي مستعد أعيد الشرح :)
يا شيخ ما تلقي زي هالكلمات في أتخن قصيده ( بقه .. طقه .. حجه .. سقا .. لنقطه ) :) :)
لكن الظاهر هالمنتدى يكسر المجااااااديف :mad:
هداية
04-04-2005, 02:46 PM
أخي الكريم ... أسير الليل

أضحك الله سنك وأضحك الله سن أخي أبو غازي :) ...
المجاهد عمر
04-04-2005, 03:20 PM
من فيكم يا أسير الليل خال الثاني ؟؟ :confused:

إنت خال أبو غازي وإلا هو خالك ؟؟ :confused:

بس بصراحة...انتوا الإثنين نفس الهبالة... :eek: قصدي نفس خفة الدم... :)

وبصراحة أكثر...

أبو غازي أحسه كذا ملو هدومه ، تحس إنه شيخ ، على ثقل يعني :)

لكن أسير الله يوفق مخه طاير بالعجة على خالي بلاش :D


ما أدري ليه ، أحس إني ودي أوديكم أنا والنعمان لـ حسينية = مجلس عزاء حسيني رافضي :D تدقون صدر هناك ، وتتباكون على مواجع الشيعة :D


الله يوفق مخكم :D
أبو غازي
04-04-2005, 03:29 PM
ههههههههههههههههههههه ..

الله يسعدك ياشيخ ... ضحكتاني على قولتهم ..

اما بالنسبة مين خال الثاني .. فأنا خاله .. وهو ولد أختي الكبيرة ..

الله يخليك لا تنسى .. لا تسوي زي النابغة الطائي يحسب أسير خالي .. :(

بس ان شاء الله الترجمة ماشية معاك زين :D
أسير الليل
05-04-2005, 02:54 AM
حياك أختي هدايه
شفتي كيف.. ناااااس ما تقدر أيام الطفوله ما تقدر التراث .. على بالهم حياتهم كلها في فلل :mad:

وسعيدين بوجودك وتشريفك :)
أسير الليل
05-04-2005, 03:05 AM
يالمجاهد .. رجاء خاص .. تخرج من طربوشي .. تراك أذيتني :mad:
وحاط نقرك بنقري أنا والخال ذبحتنا :)

بعدين سالفة مين الخال .. هذه وأنا أخوك تتغير حسب تغير المواقع والخطط الحياتيه
حسبب خطط الدفاع والهجوم .. يعني لما يعصب يوم في هوشه أنا أسوي نفسي خاله وأهدئ أعصابه
والعكس بالعكس لما يسير العكس :)

بس ما علينا نقول الخال ولد مالي هدومه .. لكن أنا مالي جيوبي ;)

حسينيه .. الله يوفق مخكم أنت والنعمان بس :)

بس ما قلتوا
أوااااااصل الجزء الثاااااااااني
والا أنكتم عساني مو بالقرينه ;)

أعذروني ياربع والله أسير يعيش حالة فقدان قلم .. يدور مدخل للكتابه
متفائلة
05-04-2005, 05:39 AM
و عليكم السلام و رحمة الله و بركاته ،،،

يا الله صباح خيــــر .. ضحكتوني من قلب .. أضحك الله سنكم :)

طبعا المفروض اسير من اول ما يكتب القصيدة يحط لها ترجمة من غير ما يتبرع بوغازي و يترجم .. لا و يطلع بالاخير مترجم نص كم :p

أسير .. تبي مدخل للكتابة ؟! .. خش في السياسة يا سيدي :D بلاش العكننة :p

لي الحين بس قريت القصيدة .. ترجمتها اليوم العصر ان شاء الله

:cool:
أبو غازي
05-04-2005, 12:13 PM
ياليت من يكتب بإسم مستعار يعرفنا بنفسه ..

:D
هداية
05-04-2005, 12:54 PM
أعتقد أن سالفة الخال تتغير على حسب تغير المواقع والمنتديات ..
كنت منذ زمن طويل على علم بأن أسير الليل خال أبو غازي بمنتدى سوالف ...
ولكن هنا اكتشفت عكس هذا التصور ..!! :confused:
أسير الليل
05-04-2005, 01:29 PM
الله يحيك أختي متفائله
يالله مساء خير :)
أضحكي وأنا أخوك .. بس أهم شئ تركزي بالترجمه وتعيد القراءه مره ثانيه وتشوفين الوناسه
والحياه البسيطه .. وواثق أنك أول ما تدخلي المنتدي .. لازم تعدي على الموضوع هنا :) (( مغرور ))

الحين هذه نصيحه !! وهذا وأنتي متفائله !! أخش بالسياسه :mad:
كوووووفي عنان زات نفسه متوهق ومو لاقي طريقه يخرج منها

_________

ابو غازي يا حبك للقروشه :)
خلي بالك على كلمة (( عكننه )) أنا بأعرضها على المعجم اللغوي وأحللها حتى نصل لمنبع التفائل :)
أسير الليل
05-04-2005, 01:35 PM
أختي هدايه

أممممم تمنيت إنك ما كتبتي ردك :)

وكلامك في محله .. للأسف أنا الخال .. وللأسف هو ولد أختي :)
بس عاد وش نسوى في الناس اللي ما تركز ..



تحيااااااتي للخال ابوغازي :)
أسير الليل
05-04-2005, 01:39 PM
على كل حال

برغم نجاح أول موضوع بالمنتدى من حيث عدد الزوار :p
إلا أن هناك هجوم شبه مسلح على الموضوع أو التراث أو تلك الايام الجميله

إذا أنتظروا

رساله من غريب .. ( أكيد مو غريب نجد ) :)
متفائلة
05-04-2005, 04:06 PM
أبو غازي ..

خصصت جائزة قدرها 10 ريال للي يعرف منو انا :D

أسير الليل ..

شكلي بضحك اكثر على الترجمة :p

كل من هب و دب صار يتكلم في السياسة !!

فكان مجرد اقتراح .. :rolleyes:

خلاص يا بويا .. اللي تكلمت فيه كويس :confused:
أبو غازي
05-04-2005, 08:08 PM
شكلك والله العالم إنك مسلمة http://www.al3sr.com/vb/images/smilies/confused.gif

ومسامحك في العشرة ريال :D
متفائلة
07-04-2005, 09:22 PM
بو غازي .. استر ما وايهت :confused:

أما الترجمة العجيبة اللي بروحها يبيلها ترجمة !!

بآخذ العشرة ريال و بروح اترجم فيهم القصيدة :D
عبدالعزيز
09-04-2005, 10:54 AM
الله يوفق مخكم جميعا

ضحكتونا
أسير الليل
09-04-2005, 03:07 PM
أقول عبدالعزيز أفندي .. زين اللي ضحكت :) لان القشاره مو لايقه عليك .. خليها لأسير :)

المهم زي ما قلت باحد الردود ننتظر نهاية هذه السلسله الدراميه
نظرا لما واجهه ذلك الماضي بمختلف نواحي الحياة ..من نكران وجحود

تنتهي برسالة من غريب

عن مدينة طمست معالمها الحضاره

وعلى أمل اللقاء بكم :)
رمد بروحي الصبر
01-02-2008, 08:32 AM
أحلى مافي الموضوع التناغم بين أسير
وأبو غازي
الله لا يحرمكم من بعض
:)
البحاري
06-03-2008, 06:24 AM
صباح الذكريات .. للجميع

مجرد ذكريات :)